Galerie

LAJAN PETWO KARIBE t ap itil peyi a si ekip Mateli a, ekip joslèm privè a, ansanm ak ekip jovnèl moyiz la pa t vòlè lajan sa yo: yon tèks k ap sikile sou entènèt, mwen pibliye l jan l ye a.


Yon zanmi pataje teks sa ak mwen pou li eksplike sa PetroCaribe te ka fe pou peyi a paske le w di 3.8 milya selman se yon bagay ki yon tijan fiktif nan tet moun yo. Fok ou dekotike li pou moun yo konprann byen ki sa sa vle di:

3.8 milya dola Petrocaribe a volatilize. Anpil moun pa reyalize vreman sa chif sa a reprezante e kisa li ta ka fe pou nou.

Ban m ede nou konprann sa kisa kob sa a ta ka fe pou Ayiti. 3.8 milya dola se 3800 milyon dola US!

1) Inivèsite
Pi gwo inivète peyi se inivèsite Limonade la, li koute 50 milyon. Si nou te mete 1 inivèsite konsa nan chak depatman, sa tap koute au total 500 milyon. Donk tap rete toujou 3300 milyon dola US.

2) Stad
Tout moun sot gade Coupe du Monde la, bèl stad sa yo nou sot wè nan peyi la Russie, pifò la dan yo koute 300 milyon. Kidonk le nou fin bati stad la tap rete 3000 milyon $US.

3)Lopital
Si nou ta deside bati 3 gwo manman lopital ki tap koute 200 milyon dola chak, sa tap fe nou 600 milyon pou 3 lopital yo. Youn nan Nò, youn nan Sud, youn nan Lwès. Tap rete 2400 milyon toujou.

4) Wout
Yo toujou di 1 km wout koute 1 milyon dola us. Sa vle di 600 km wout se 600 milyon dola. Men wout 600 km tap ka fe (nou pa mete wout ki an konstriksyon aktyelman tankou Kafou-Jof Anse a Foleur, Ennery Limbe etc):
Jeremie- Abricot
Jeremie-Irois
Port-a-Piment – Tiburon
Anse-a-veau – Baraderes
Carrefour 44- Cote-de-fer (wout sa a pa fini)
Marigot – Belle-Anse
Hinche – Milot (Barriere Battant)
Gonaives – Mole-St-Nicolas
Port- de-Paix – Jn-Rabel
Limbe – Anse-a-Foleur
Anse-a-Foleur – Port-de-Paix

Le nou fin fè tout wout sa yo, tap rete 1800 milyon

5) Agrikilti
Si pou mete on ekta te an vale ou depanse 3000$, sa vle di sa tap koute 600 millyon dola pou fe pwodiksyon agrikol sou 200 000 ekta !!! On sufas de 200 000 ekta, sa vle di anpil nan te ki pap regle anyen nan peyi, tap ka pwodui manje. Se plis ke 3 fwa zile Lagonav !!!!

Nou tap toujou rete 1200 milyon $ nan kob petrocaribe a.

6) Lekòl
Nan BMPAD, yon lise koute anviron 500 000 dola US. Gen anpil lise ki kontwi nan peyi a depi 20 an. Se pou sa nou ta ka konstwi 100 lise pou zon ki pa ko genyen yo. 100 lise tap koute 50 milyon. Tap rete nou 1150 milyon dola US

7) Ayopo

Peyi la Chin tap al refe ayopo Potoprens la pou 470 milyon dola. Nou tap gen yon ayopo modèn menm jan ak sa yo jwenn nan tout lot peyi nan Karayib la. Si nou di na fe 2 ayopo youn Okap you Potoprens, sa tap koute 940 milyon dola.

Kob la pako fini toujou non, tap rete 2 10 milyon dola!

Apre tout sa mwen sot di la a:
10 inivèsite
1 stad standa entènasyonal
3 lopital referans
600 km wout pou konekte tout gro vil yo
200 000 ekta tè wouze
100 lise
2 ayopo entènasyonal

Tap rete kòb toujou!!!!! Kob petrocaribe ta ka chanje figi peyi Dayiti.

M ta renmwn on moun esplike m kijan ou fè gen kouraj ap fè moun ki volè kòb devlopman peyi a?

Publicités